Includes high-quality download in MP3, FLAC and more. Paying supporters also get unlimited streaming via the free Bandcamp app.
Purchasable with gift card
name your price
about
O lobo que cría que a lúa era un queixo (Nel modo di Tojó)
Andaba famento un lobo na procura dunha presa para zampar. Topouse cunha raposa e díxolle:
- Mire usted, señora zorra, que me la voy a comer.
E respondeulle a raposa:
- Pero mire vostede, que estou moi fraca, soamente son ósos e peles.
- No, que usted estaba muy gordita el pasado año.
- O ano pasado si que estaba gordiña, pero agora aleitei aos meus catro raposiños e a penas teño leite para eles.
- No me importa - insistiu o lobo, e íalle dar a primeira trabada cando a raposa lle dixo:
- Detéñase vostede, por Deus, lobo feroz, mire que eu sei dun señor que ten un pozo cheo de queixos.
E marcharon a raposa e mailo lobo na procura dos queixos. Chegaron a unha facenda, saltaron uns balados e achegáronse onda o pozo, e a lúa reflectíase na auga e semellaba un fermoso queixo da nabiza das terras de Melide.
Asomouse o lobo a instancias da raposa, pero sospeitando díxolle á raposa:
- Pues bueno señora zorra, entre usted a por el queso.
E entrou nun dos caldeiros, e dende abaixo berráballe: - ¡Amigo lobo! ¡que grande está este queixo! ¡non podo con el!, axúdeme a subilo.
- No puedo entrar - dixo o lobo.
- Non sexa vostede torpe, métase noutro caldeiro.
Convencido o lobo meteuse, e como pesaba máis ca raposa este baixou e a ela subiu. E alí ficou o lobo na procura do queixo.
A raposa marchou chea de ledicia ver aos seus raposiños.
Algún día o lobo vai comer hostias!
lyrics
No vento de mazán que se desfraga, reclamo a libertade pró meu pobo.
Nos cons e pedregullo solar de Cabo de Home e Punta do Cabalo de Fóra.
Neles poño a miña língoa e descanso os meus ollos.
Nos loitadores de xofre e lume acedo, nos difuntos endexamais vencidos.
Nos que virán e han de se-lo lóstrego, e son aínda lene bris e voz de melro.
Neles poño a miña língoa e descanso os meus ollos
No meniño que dorme, no edredón dos teus ollos,reclamo a libertade pró meu pobo.
Nos camiños fechados, lumes azuis e brancos, reclamo a libertade pró meu pobo.
Nos cabalos da serra e nos mineiros de Lousame aquil vinte de Santiago.
Nos sangues artesáns que teño ardendo (agora mesmo) en cada dedo meu.
Neles poño a miña língoa e descanso os meus ollos
No meniño que dorme, no edredón dos teus ollos,reclamo a libertade pró meu pobo.
Nos camiños fechados, lumes azuis e brancos, reclamo a libertade pró meu pobo.
Nos ríos, nas folgas, nas romaxes, nas protestas nos muros, nos escritos,
Nos emigrados, nos perdidos, nos presos, nos explotados.
A confident blend of emo, pop, and hardcore from the rising Philadelphia band, featuring introspective lyrics and churning melodies. Bandcamp New & Notable May 25, 2022